சிவத்தின் தன்மையும் மீன் குழம்பும்

என்னடா இது வித்யாசமான ஒப்பீடு என்றே நிச்சயம் எண்ணுவீர்கள் ஆனால் உண்மையில் விஷயம் இருக்கிறது

உலகில் இறைவன் தான் சகலமும் என்கிறோம் ஆனால் நம் அப்பரடிகள் இறைவன் என்பது எதுவுமே இல்லை என்கிறார்

பாடலை பாருங்கள்

மண்ணல்லை விண்ணல்லை வலய மல்லை  மலையல்லை

கடலல்லை வாயுவல்லை எண்ணல்லை எழுத்தல்லை

எரியுமல்லை இரவல்லை பகலல்லை யாவுமல்லை

பெண்ணல்லை ஆணல்லை  பேடுமல்லை பிறிதல்லை

யானாயும் பெரியாய் நீயே உண்ணல்லை நல்லார்க்குத் தீயையல்லை உணர்வரிய ஒற்றியூர் உடையகோவே

இப்பாடல்

ஆறாந்திருமுறையில் ஒற்றியூர் தாண்டகமாக உள்ளது
இதில் சுவாமிகள் சொல்கிறார்

இறைவன் மண் விண் சூரியன் மலை கடல் காற்று எண் எழுத்து தீ இரவு பகல் ஆண் பெண் பேடு ஆகிய எத்தன்மையும் இல்லாதவன் என்று

அதே சமயம் வலிவலம்  தாண்டகத்தில்

பெண்ணவன் காண் ஆணவன் காண் பெரியோர்க்கு என்றும் பெரியவன் காண்

அரியவன் காண் அயனானான் காண் எண்ணவன் காண் எழுத்தவன் காண் இன்பக் கேள்வி இசையவன் காண்

இயலவன் காண் எல்லாங் காணுங் கண்ணவன் காண் கருத்தவன் காண் கழிந்தோர் செல்லுங் கதியவன்காண்

மதியவன் காண் கடலேழ் சூழ்ந்த மண்ணவன் காண் வானவர்கள் வணங்கி ஏத்தும் வலிவலத்தான் காண் அவனென் மனத்து உளானே
என்கிறார்

அப்பரடிகள் திருவொற்றியூரில் காணும் போது இறைவன் எதுவுமாக தெரியாமல் இருக்கிறான் அதே வலிவலத்தில் பாடும் போது

முன்பு எதுவாகவெல்லாம் இறைவன் இல்லை என்றாரோ அதுவாகவெல்லாம் இருக்கிறான் என்கிறார் சுவாமிகள்

பெண் ஆண் பெரியான் திருமால் பிருமன் எண் எழுத்து  மண் மதி ஆகிய அனைத்துமாக இருக்கிறான்

அப்பரடிகளின் கருத்து முரண்பட்டது போல தோன்றும்

அதை விளக்கத்தான் மீன் குழம்பு வருகிறது இங்கு

கடல் இருக்கிறதே அது உலகத்திற்கே உப்பை வாரி வழங்கினாலும் தன் உவர் தன்மை மாறாமல் இருக்கும் அளவுக்கு உப்பை தன்னகத்தே கொண்டிருந்தாலும்

அதில் வாழும் மீன்கள் உப்பு சுவையுடன் இருப்பதில்லை
மீனை சமைக்கும் போது உப்புப் போட்டுதான் சமைப்போம்

உப்பு நீரிலேயே வாழ்ந்தாலும் மீன் உப்பு சுவை ஏறாமல் உள்ளது

ஆக கடலில் இருந்தாலும் கடல் நீரின் தன்மையில் மீனின் தன்மை மாறுபடுவது இல்லை

அதே போல சிவம் உலகியல் செயல்கள் அனைத்திலும் கலந்து சர்வம் சிவமாய் நின்றாலும் அதன் தன்மை யாதொரு உலக செயல்களோடும் ஒப்பிடக்கூடியதாக இருக்காது

 உலகில் ஆணாக பெண்ணாக பேடியாக விண்ணாக மண்ணாக கடலாக காற்றாக எண்ணாக எழுத்தாக இசையாக இயலாக யாதுமாகவும் சிவமே நிற்கிறது என்றாலும்

இதில் எந்த  தன்மையும இறைவனது நிலையான தன்மை இல்லை என்பதே

அப்பரின் அரிய முடிபு🙏🏻

தீபன்ராஜ் வாழ்க்கை

நமசிவாய